Бухоро нефт ва газ саноати коллежига ташриф буюрган меҳмонлар учун тақдимот тадбири ўтказилди.

     Бухоро нефт ва газ саноати коллежига режага асосан  2024 йил 30 январ куни соат 10:30 да “Ўзбекнефтгаз” Акциядорлик Жамиятининг HR-департамент бошлиғи А.Х.Авезов ва HR-департамент мутахассиси А.Т.Садуллаев ҳамроҳлигида ПАО “Лукойл ” ишчи гурухи  Начальник департамента по работе с персоналом ПАО «ЛУКОЙЛ» С.И. Михеев раҳбарлигида В.В.Кузьмин, А.А.Хасанова, А.Л.Обищенко, Н.В.Семисчастнова, Ю.В.Капканова, Ю.А.Казакова коллежга ташриф буюрди.

Ташриф давомида ишчи гуруҳга коллежнинг моддий техник базаси яқиндан таништирилиб чиқилди. Коллеж фойесида қисқа коллеж ролиги намойиш қилинди, “Ўзбекнефтгаз” Акциядорлик Жамияти тасарруфидаги корхоналар айниқса “Бухоро НҚИЗ” МЧЖ, “Ўзнефтгаз бурғилаш ишлари” МЧЖ, “Uzbekistan GTL” МЧЖ, “Ўзнефтгазқудуқтаъмирлаш” АЖ томонидан жиҳозланган синфхоналари кўздан кечирилди. Ўқув лаборатория биносининг ўқув хоналари билан танишгандан сўнг инновацион ўқув амалиёт биносининг  яратилган шароитлари билан ҳамда ўқув дала полигони билан танишиб,  мамнун бўлишди.

Коллежда ташкил қилинган сунъий интеллект маркази ва унинг имкониятлари тўғрисида суҳбатлашилди ва мехмонлар томонидан келажакда бу соҳа долзарблиги ҳақида тўхталди. Коллеж базаси билан танишгандан сўнг, мехмонлар учун коллеж  музокаралар хонасида коллеж тақдимоти, ўқитувчилар ва ўқувчилар тўғрисидаги маълумотлар базаси тақдимоти ва қисқа муддатли курслар ўқитилиши бўйича тақдимотлар намойиш қилинди. Музокаралар натижасида келажакда ПАО “Лукойл ” учун келажакда ишчи,ООО “Лукойл Узбекистан оперейтинг компани” ишчи ходимларини малакасини ошириш ва қайта тайёрлаш курсларини коллеж базасида ва малакали педагог ходимлар томонидан олиб борилишига келишилди.